خسرت المعركه

خسرت المعركه انه اعترف وياك
لكن بالحرب انت اطلعت خسران


اذا عيني بجت مره وسجنهه الليل
هسه الليل يبجي ودمعتي السجان


لتحاول بعد ماتسفزني النوب
واذا قصدك تذل احساسي وك غلطان


ما حاجيك ابد ما افهم انه اعليك
مومني الخلل بس انت مو انسان


اذا وجهين عندك رحمه من الله
بس شلون تحجي بسبعمية لسان


لتحاول بعد .. والعمر ذاك انزاح
واجه غيرك فرشلي الدنيه من عمره


نسيت دموعي كلهه ورجع بييه الشوك
وشرك مات مايترك بعد كبره


لكيت الي يحبني ويذبح الدمعات
اذا بعيوني شاف الدمعه محتصره


لكيت الي كدر يملكني حد الموت
وماينطي بحناني وخاطري يكسره


بعد ليش ارجع ابجي وليش اغث الروح
شسوي بحبك انت وروحك القذره



فرق شاسع شفت بين الهدالي الكون
وبين الي هدالي الحيره والحسره


وبين الي سكاني بنهر من احساس
وعلي كل يوم يفتح بالعشك مجره


وبين الي سكاني سموم ماتنضاك
ولامره رواني من العشك كطره


بعد ماريد تسأل عني بين الناس
ولاريدك تفكر حته لو فكره


جنت بيديه جمره وطفت من اسنين
صح اذتني لكن ..ماتت الجمره


منقول

شكرااا لمرورك

شكرا لمرورك

مرسي روعة

مييييييرسي ع الموضوع يا زوووووووووووووووووووووء